hashr mein phir wahi naqsha nazar aata hai mujhe

Tajvar Najibabadi

hashr mein phir wahi naqsha nazar aata hai mujhe

Tajvar Najibabadi

MORE BYTajvar Najibabadi

    hashr meñ phir vahī naqshā nazar aatā hai mujhe

    aaj bhī vāda-e-fardā nazar aatā hai mujhe

    ḳhalish-e-ishq miTegī mire dil se jab tak

    dil miT jā.egā aisā nazar aatā hai mujhe

    raunaq-e-chashm-e-tamāshā hai mirī bazm-e-ḳhayāl

    is meñ vo anjuman-ārā nazar aatā hai mujhe

    un milnā hai nazar-bandī-e-tadbīr ai dil

    saaf taqdīr dhokā nazar aatā hai mujhe

    tujh se maiñ kyā kahūñ ai soḳhta-e-jalva-e-tūr

    dil ke ā.īne meñ kyā kyā nazar aatā hai mujhe

    dil ke pardoñ meñ chhupāyā hai tire ishq raaz

    ḳhalvat-e-dil meñ bhī pardā nazar aatā hai mujhe

    ibrat-āmoz hai barbādi-e-dil naqsha

    rañg-e-nairañgī-e-duniyā nazar aatā hai mujhe

    hashr mein phir wahi naqsha nazar aata hai mujhe

    aaj bhi wada-e-farda nazar aata hai mujhe

    KHalish-e-ishq miTegi mere dil se jab tak

    dil hi miT jaega aisa nazar aata hai mujhe

    raunaq-e-chashm-e-tamasha hai meri bazm-e-KHayal

    is mein wo anjuman-ara nazar aata hai mujhe

    un ka milna hai nazar-bandi-e-tadbir ai dil

    saf taqdir ka dhoka nazar aata hai mujhe

    tujh se main kya kahun ai soKHta-e-jalwa-e-tur

    dil ke aaine mein kya kya nazar aata hai mujhe

    dil ke pardon mein chhupaya hai tere ishq ka raaz

    KHalwat-e-dil mein bhi parda nazar aata hai mujhe

    ibrat-amoz hai barbaadi-e-dil ka naqsha

    rang-e-nairangi-e-duniya nazar aata hai mujhe

    Source :
    • Book : intekhab-e-zarrin (Pg. 224)
    • Author : Khvaja Mohammad Zakariya
    • Publication : Sangeet publication (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY