hasin saman na hasin kaenat hai shayad

Talib Jaipuri

hasin saman na hasin kaenat hai shayad

Talib Jaipuri

MORE BYTalib Jaipuri

    hasīñ samāñ na hasīñ kā.enāt hai shāyad

    kisī husn jān-e-hayāt hai shāyad

    ġham-e-hayāt se hai zindagī meñ gīrā.ī

    ġham-e-hayāt jān-e-hayāt hai shāyad

    bahut qarīb se dekhī thī zindagī bahār

    mire ḳhayāl se ye gul baat hai shāyad

    vo ek lamha masarrat se jo guzar jaa.e

    usī naam matā-e-hayāt hai shāyad

    qadam qadam pe haqīqat qadam qadam pe majāz

    usī tilism meñ kul kā.enāt hai shāyad

    hazār but-shikan aa.e magar na toḌ sake

    ġhurūr sab se baḌā somnāt hai shāyad

    hai jāñ-gudāz bahut andalīb naġhma

    kuchh is meñ dil mire vārdāt hai shāyad

    udaas udaas haiñ shām-o-sahar ke nazzāre

    bujhā bujhā sharār-e-hayāt hai shāyad

    kise ḳhabar jo banī apnī jaan par 'tālib'

    shikast-e-ishq shikast-e-hayāt hai shāyad

    hasin saman na hasin kaenat hai shayad

    kisi ka husn hi jaan-e-hayat hai shayad

    gham-e-hayat se hai zindagi mein girai

    gham-e-hayat hi jaan-e-hayat hai shayad

    bahut qarib se dekhi thi zindagi ki bahaar

    mere KHayal se ye gul ki baat hai shayad

    wo ek lamha masarrat se jo guzar jae

    usi ka nam mata-e-hayat hai shayad

    qadam qadam pe haqiqat qadam qadam pe majaz

    usi tilism mein kul kaenat hai shayad

    hazar but-shikan aae magar na toD sake

    ghurur sab se baDa somnat hai shayad

    hai jaan-gudaz bahut andalib ka naghma

    kuchh is mein dil ki mere wardat hai shayad

    udas udas hain sham-o-sahar ke nazzare

    bujha bujha sa sharar-e-hayat hai shayad

    kise KHabar jo bani apni jaan par 'talib'

    shikast-e-ishq shikast-e-hayat hai shayad

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY