hasrat-e-intizar-e-yar na puchh

hasrat-e-intizār-e-yār na pūchh

haa.e vo shiddat-e-intizār na pūchh

rañg-e-gulshan dam-e-bahār na pūchh

vahshat-e-qalb-e-be-qarār na pūchh

sadma-e-andalīb-e-zār na pūchh

talḳh anjāmi-e-bahār na pūchh

ġhair par lutf maiñ rahīn-e-sitam

mujh se ā.īna-e-bazm-e-yār na pūchh

de diyā dard mujh ko dil ke evaz

haa.e lutf-e-sitam-shi.ār na pūchh

phir huī yād-e-mai-kashī taaza

masti-e-abr-e-nau-bahār na pūchh

mujh ko dhokā hai tār-e-bistar kā

nā-tavāni-e-jism-e-yār na pūchh

maiñ huuñ nā-āshnā-e-vasl hunūz

mujh se kaif-e-visāl-e-yār na pūchh

hasrat-e-intizar-e-yar na puchh

hae wo shiddat-e-intizar na puchh

rang-e-gulshan dam-e-bahaar na puchh

wahshat-e-qalb-e-be-qarar na puchh

sadma-e-andalib-e-zar na puchh

talKH anjami-e-bahaar na puchh

ghair par lutf main rahin-e-sitam

mujh se aaina-e-bazm-e-yar na puchh

de diya dard mujh ko dil ke ewaz

hae lutf-e-sitam-shiar na puchh

phir hui yaad-e-mai-kashi taza

masti-e-abr-e-nau-bahaar na puchh

mujh ko dhoka hai tar-e-bistar ka

na-tawani-e-jism-e-yar na puchh

main hun na-ashna-e-wasl hunuz

mujh se kaif-e-visal-e-yar na puchh