hasti miTa kar apni jab ek bund sagar mein giri
hastī miTā kar apnī jab ik buuñd sāgar meñ girī
kuchh ne kahā ye vasl hai kuchh ne kahā ye ḳhud-kushī
būñdeñ do barsīñ saath hī qismat par apnī apnī thī
ik ain sāgar meñ girī ik ret meñ gum ho ga.ī
sāgar kināre baiTh kar ham ne kiyā mahsūs ye
sāgar huuñ maiñ sāgar huuñ maiñ har buuñd hai ye kah rahī
hai kaun jo is raaz se ham ko karā.e āshnā
sāgar hai būñdoñ se huā yā buuñd sāgar se huī
ik diip kī lau se bhale lākhoñ jalāo diip tum
ik til kisī bhī diip kī ghaTtī nahīñ hai raushnī
daulat ajab hai ye baḌī baḌhtī hai jo bas baañT kar
rahnā agar hai ḳhush tumheñ bāñTo sadā sab ko ḳhushī
ab kyā batā.eñ ai 'sadā' kyā hai haqīqat kyā majāz
parde meñ apnī ḳhalq ke ḳhāliq chhupā hai aap bhī
hasti miTa kar apni jab ek bund sagar mein giri
kuchh ne kaha ye wasl hai kuchh ne kaha ye KHud-kushi
bunden do barsin sath hi qismat par apni apni thi
ek ain sagar mein giri ek ret mein gum ho gai
sagar kinare baiTh kar hum ne kiya mahsus ye
sagar hun main sagar hun main har bund hai ye kah rahi
hai kaun jo is raaz se hum ko karae aashna
sagar hai bundon se hua ya bund sagar se hui
ek dip ki lau se bhale lakhon jalao dip tum
ek til kisi bhi dip ki ghaTti nahin hai raushni
daulat ajab hai ye baDi baDhti hai jo bas banT kar
rahna agar hai KHush tumhein banTo sada sab ko KHushi
ab kya bataen ai 'sada' kya hai haqiqat kya majaz
parde mein apni KHalq ke KHaliq chhupa hai aap bhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.