ہستی مٹا کر اپنی جب اک بوند ساگر میں گری

ہستی مٹا کر اپنی جب اک بوند ساگر میں گری

کچھ نے کہا یہ وصل ہے کچھ نے کہا یہ خودکشی

بوندیں دو برسیں ساتھ ہی قسمت پر اپنی اپنی تھی

اک عین ساگر میں گری اک ریت میں گم ہو گئی

ساگر کنارے بیٹھ کر ہم نے کیا محسوس یہ

ساگر ہوں میں ساگر ہوں میں ہر بوند ہے یہ کہہ رہی

ہے کون جو اس راز سے ہم کو کرائے آشنا

ساگر ہے بوندوں سے ہوا یا بوند ساگر سے ہوئی

اک دیپ کی لو سے بھلے لاکھوں جلاؤ دیپ تم

اک تل کسی بھی دیپ کی گھٹتی نہیں ہے روشنی

دولت عجب ہے یہ بڑی بڑھتی ہے جو بس بانٹ کر

رہنا اگر ہے خوش تمہیں بانٹو سدا سب کو خوشی

اب کیا بتائیں اے صداؔ کیا ہے حقیقت کیا مجاز

پردے میں اپنی خلق کے خالق چھپا ہے آپ بھی