haT jaen ab ye shams-o-qamar darmiyan se

Raghib Muradabadi

haT jaen ab ye shams-o-qamar darmiyan se

Raghib Muradabadi

MORE BYRaghib Muradabadi

    haT jaa.eñ ab ye shams-o-qamar darmiyān se

    merī zamīñ milegī gale āsmān se

    siine meñ haiñ ḳhalā ke vo mahfūz aaj bhī

    jo harf adā hue haiñ hamārī zabān se

    vo mere qabīle bāġhī na ho kahīñ

    ik tiir idhar ko aayā hai jis kamān se

    sayyād ne kiyā hai usī ko asīr-e-dām

    taa.ir jo dil-girafta rahā hai uḌaan se

    nākāmiyoñ ne aur baḌhā.e haiñ hausle

    guzrā huuñ jab kabhī maiñ kisī imtihān se

    kahlā.e jis meñ rah ke hamesha kirāya-dār

    kyā uns ho makīn ko aise makān se

    kyuuñ pairvī pe un ho maa.il mirā dimāġh

    'ġhālib' ke huuñ na 'mīr' ke maiñ ḳhāndān se

    'rāġhib' ba-ehtiyāt lāzim hai guftugū

    dushman ko bhī gazand na pahuñche zabān se

    haT jaen ab ye shams-o-qamar darmiyan se

    meri zamin milegi gale aasman se

    sine mein hain KHala ke wo mahfuz aaj bhi

    jo harf ada hue hain hamari zaban se

    wo mere hi qabile ka baghi na ho kahin

    ek tir idhar ko aaya hai jis ki kaman se

    sayyaad ne kiya hai usi ko asir-e-dam

    tair jo dil-girafta raha hai uDan se

    nakaamiyon ne aur baDhae hain hausle

    guzra hun jab kabhi main kisi imtihan se

    kahlae jis mein rah ke hamesha kiraya-dar

    kya uns ho makin ko aise makan se

    kyun pairwi pe un ki ho mail mera dimagh

    'ghaalib' ke hun na 'mir' ke main KHandan se

    'raghib' ba-ehtiyat hi lazim hai guftugu

    dushman ko bhi gazand na pahunche zaban se

    Source:

    • Book : Pakistani Adab (Pg. 471)
    • Author : Dr. Rashid Amjad
    • Publication : Pakistan Academy of Letters, Islambad, Pakistan (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY