hawa ka KHauf andhere ka Dar bhi rahta hai
havā kā ḳhauf añdhere kā Dar bhī rahtā hai
charāġh jalte hue bā-ḳhabar bhī rahtā hai
ye bhūl-bhāl ke rahtā huuñ maiñ samundar meñ
ki ās-pās hī koī bhañvar bhī rahtā hai
vo jis galī meñ mirī ḳhaak uḌtī phirtī hai
usī galī meñ koī kūza-gar bhī rahtā hai
khulā ye bhed hamāre udaas rahne se
bujhā bujhā sā charāġh-e-hunar bhī rahtā hai
yahī nahīñ ki dharā hai hamāre kāñdhoñ par
ye kaisā bojh hai ā'sāb par bhī rahtā hai
'ajīb baat hai 'kāshif-husain’ is dil meñ
ki dukh bhī rahte haiñ aur chārāgar bhī rahtā hai
hawa ka KHauf andhere ka Dar bhi rahta hai
charagh jalte hue ba-KHabar bhi rahta hai
ye bhul-bhaal ke rahta hun main samundar mein
ki aas-pas hi koi bhanwar bhi rahta hai
wo jis gali mein meri KHak uDti phirti hai
usi gali mein koi kuza-gar bhi rahta hai
khula ye bhed hamare udas rahne se
bujha bujha sa charagh-e-hunar bhi rahta hai
yahi nahin ki dhara hai hamare kandhon par
ye kaisa bojh hai aa'sab par bhi rahta hai
'ajib baat hai 'kashif-husain’ is dil mein
ki dukh bhi rahte hain aur chaaragar bhi rahta hai
- Book : Ek Shaam Tumhare Hisse Ki (Pg. 63)
- Author : Kashif Husain Ghair
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
