hawa ke waste ek kaam chhoD aaya hun

Ejaz Rahmani

hawa ke waste ek kaam chhoD aaya hun

Ejaz Rahmani

MORE BY Ejaz Rahmani

    havā ke vāste ik kaam chhoḌ aayā huuñ

    diyā jalā ke sar-e-shām chhoḌ aayā huuñ

    kabhī nasīb ho fursat to us ko paḌh lenā

    vo ek ḳhat jo tire naam chhoḌ aayā huuñ

    havā-e-dasht-o-bayābāñ bhī mujh se barham hai

    maiñ apne ghar ke dar-o-bām chhoḌ aayā huuñ

    koī charāġh sar-e-rahguzar nahīñ na sahī

    maiñ naqsh-e-pā ko bahar-gām chhoḌ aayā huuñ

    abhī to aur bahut us pe tabsire hoñge

    maiñ guftugū meñ jo ib.hām chhoḌ aayā huuñ

    ye kam nahīñ hai vazāhat mirī asīrī

    paroñ ke rañg tah-e-dām chhoḌ aayā huuñ

    vahāñ se ek qadam bhī na sakī aage

    jahāñ pe gardish-e-ayyām chhoḌ aayā huuñ

    mujhe jo DhūñDhnā chāhe vo DhūñDh le 'ejāz'

    ki ab maiñ kūcha-e-gum-nām chhoḌ aayā huuñ

    hawa ke waste ek kaam chhoD aaya hun

    diya jala ke sar-e-sham chhoD aaya hun

    kabhi nasib ho fursat to us ko paDh lena

    wo ek KHat jo tere nam chhoD aaya hun

    hawa-e-dasht-o-bayaban bhi mujh se barham hai

    main apne ghar ke dar-o-baam chhoD aaya hun

    koi charagh sar-e-rahguzar nahin na sahi

    main naqsh-e-pa ko bahar-gam chhoD aaya hun

    abhi to aur bahut us pe tabsire honge

    main guftugu mein jo ibham chhoD aaya hun

    ye kam nahin hai wazahat meri asiri ki

    paron ke rang tah-e-dam chhoD aaya hun

    wahan se ek qadam bhi na ja saki aage

    jahan pe gardish-e-ayyam chhoD aaya hun

    mujhe jo DhunDhna chahe wo DhunDh le 'ejaz'

    ki ab main kucha-e-gum-nam chhoD aaya hun

    Videos
    This video is playing from YouTube

    Videos
    This video is playing from YouTube

    Ejaz Rahmani

    Ejaz Rahmani

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY