hawa kuchh apne sawal tahrir dekhti hai
havā kuchh apne savāl tahrīr dekhtī hai
ki bādaloñ ko bhī misl-e-zanjīr dekhtī hai
mujhe bulātā hai phir vahī shahr-e-nā-murādī
ki aarzū ābloñ meñ tasvīr dekhtī hai
jo kashtiyoñ meñ na baiTh paa.e vo ghar na pahuñche
safar kī tā.īd shām-e-taqsīr dekhtī hai
bahut dinoñ meñ sitam ke dariyā kā zor TuuTā
sarisht-e-shab bhī barahna ta.azīr dekhtī hai
samundaroñ kā uruuj phir ret ban gayā hai
shahāb-e-sāqib meñ raat tafsīr dekhtī hai
havā chalī thī pa shahr-e-jāñ ke the dar muqaffal
ye aañkh apne hī ḳhvāb tāḳhīr dekhtī hai
subū liye tishnagī khaḌī thī ye jāntī thī
ki jāñ-faroshoñ ko qaus-e-shamshīr dekhtī hai
niyābat-e-shahr un ke hāthoñ meñ ab na hogī
kamān-dāroñ ko shab kī zanjīr dekhtī hai
hawa kuchh apne sawal tahrir dekhti hai
ki baadalon ko bhi misl-e-zanjir dekhti hai
mujhe bulata hai phir wahi shahr-e-na-muradi
ki aarzu aablon mein taswir dekhti hai
jo kashtiyon mein na baiTh pae wo ghar na pahunche
safar ki taid sham-e-taqsir dekhti hai
bahut dinon mein sitam ke dariya ka zor TuTa
sarisht-e-shab bhi barahna tazir dekhti hai
samundaron ka uruj phir ret ban gaya hai
shahab-e-saqib mein raat tafsir dekhti hai
hawa chali thi pa shahr-e-jaan ke the dar muqaffal
ye aankh apne hi KHwab taKHir dekhti hai
subu liye tishnagi khaDi thi ye jaanti thi
ki jaan-faroshon ko qaus-e-shamshir dekhti hai
niyabat-e-shahr un ke hathon mein ab na hogi
kaman-daron ko shab ki zanjir dekhti hai
Source:
kulliyat dusht-e-qais main laila (Pg. 983)
- Author: Kishwar Nahiid
-
- Edition: 2001
- Publisher: Sang-e-mail publication lahore
- Year of Publication: 2001
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
