hawa o abr ko aasuda-e-mafhum kar dekhun

Sarvat Husain

hawa o abr ko aasuda-e-mafhum kar dekhun

Sarvat Husain

MORE BYSarvat Husain

    havā o abr ko āsūda-e-mafhūm kar dekhūñ

    shurūa-e-fasl-e-gul hai un laboñ ko chuum kar dekhūñ

    kahāñ kis aa.ine meñ kaun chehra damaktā hai

    zarā hairat-sarā-e-āb-o-gil meñ ghuum kar dekhūñ

    mire siine meñ dil hai koī shahzāda-e-ḳhud-sar

    kisī din us ko tāj-o-taḳht se mahrūm kar dekhūñ

    guzargāheñ jahāñ par ḳhatm hotī haiñ vahāñ kyā hai

    koī rah-rav palaT kar aa.e to ma.alūm kar dekhūñ

    bahut din dasht-o-dar meñ ḳhaak uḌāte hue 'sarvat'

    ab apne sehn meñ apnī fazā meñ jhuum kar dekhūñ

    hawa o abr ko aasuda-e-mafhum kar dekhun

    shurua-e-fasl-e-gul hai un labon ko chum kar dekhun

    kahan kis aaine mein kaun sa chehra damakta hai

    zara hairat-sara-e-ab-o-gil mein ghum kar dekhun

    mere sine mein dil hai ya koi shahzada-e-KHud-sar

    kisi din us ko taj-o-taKHt se mahrum kar dekhun

    guzargahen jahan par KHatm hoti hain wahan kya hai

    koi rah-raw palaT kar aae to malum kar dekhun

    bahut din dasht-o-dar mein KHak uDate hue 'sarwat'

    ab apne sehn mein apni faza mein jhum kar dekhun

    Source :
    • Book : Funoon (Monthly) (Pg. 361)
    • Author : Ahmad Nadeem Qasmi
    • Publication : 4 Maklood Road, Lahore (Edition Nov. Dec. 1985,Issue No. 23)
    • Edition : Edition Nov. Dec. 1985,Issue No. 23
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now