hawas mein to na the phir bhi kya na kar aae

havās meñ to na the phir bhī kyā na kar aa.e

ki daar par ga.e ham aur phir utar aa.e

ajiib haal ke majnūñ the jo ba-ishva-o-nāz

ba-sū-e-bād ye mahmil meñ baiTh kar aa.e

kabhī ga.e the miyāñ jo ḳhabar ke sahrā kī

vo aa.e bhī to bagūloñ ke saath ghar aa.e

koī junūñ nahīñ saudā.iyān-e-sahrā ko

ki jo azaab bhī aa.e vo shahr par aa.e

batāo daam gurū chāhiye tumheñ ab kyā

parindagān-e-havā ḳhaak par utar aa.e

ajab ḳhulūs se ruḳhsat kiyā gayā ham ko

ḳhayāl-e-ḳhām kā tāvān thā so bhar aa.e

hawas mein to na the phir bhi kya na kar aae

ki dar par gae hum aur phir utar aae

ajib haal ke majnun the jo ba-ishwa-o-naz

ba-su-e-baad ye mahmil mein baiTh kar aae

kabhi gae the miyan jo KHabar ke sahra ki

wo aae bhi to bagulon ke sath ghar aae

koi junun nahin saudaiyan-e-sahra ko

ki jo azab bhi aae wo shahr par aae

batao dam guru chahiye tumhein ab kya

parindagan-e-hawa KHak par utar aae

ajab KHulus se ruKHsat kiya gaya hum ko

KHayal-e-KHam ka tawan tha so bhar aae