havas kisī ko ho dekhne kī jo mauj-e-be-intihā-e-dariyā
to aa ke chashmoñ ko dekhe merī ki yaañ se hai ibtidā-e-dariyā
habāb un ko na samjho yaaro ye uThte paanī meñ haiñ jo har-dam
badan khulā jo kisī kā dekhā khule haiñ ye īda-e-dariyā
darūn-e-girdāb ab jo jā kar phañsī hai kashtī hamārī yārab
sarishk-e-yās ab bhī hai jo āñkhoñ se kyā kaheñ mājrā-e-dariyā
sarishk-e-chashm aur āh-e-sozāñ ne mere ai vaa.e ek pal meñ
bahut se jañgal kiye haiñ sarsabz aur kitne sukhā.e dariyā
uThā.egā jab talak na 'nusrat' tū varta-e-ishq kī mashaqqat
to haath āvegā kyūñki tere vo gauhar-e-be-bahā-e-dariyā
hawas kisi ko ho dekhne ki jo mauj-e-be-intiha-e-dariya
to aa ke chashmon ko dekhe meri ki yan se hai ibtida-e-dariya
habab un ko na samjho yaro ye uThte pani mein hain jo har-dam
badan khula jo kisi ka dekha khule hain ye ida-e-dariya
darun-e-girdab ab jo ja kar phansi hai kashti hamari yarab
sarishk-e-yas ab bhi hai jo aankhon se kya kahen majra-e-dariya
sarishk-e-chashm aur aah-e-sozan ne mere ai wae ek pal mein
bahut se jangal kiye hain sarsabz aur kitne sukhae dariya
uThaega jab talak na 'nusrat' tu warta-e-ishq ki mashaqqat
to hath aawega kyunki tere wo gauhar-e-be-baha-e-dariya
Source:
Ghazal Usne Chhedi(2) (Pg. 149)
-
Author:
Farhat Ehsas
-
- Edition: 2017
- Publisher: Rekhta Books
- Year of Publication: 2017
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
