hazar ham-safaron mein safar akela hai

hazār ham-safaroñ meñ safar akelā hai

ye intishār ki ik ik bashar akelā hai

gulū-burīda sabhī haiñ magar zah-e-tauqīr

buland nok-e-sināñ par ye sar akelā hai

na pattiyāñ haiñ na phal-phūl phir bhī chhāñv to dekh

sunā thā maiñ ne ki ġham kā shajar akelā hai

ye bhiiḌ ḳhaak dikhā.egī shān-e-be-jigarī

ye us kā haq hai jo sīna-sipar akelā hai

lipaT ke ruuh se kahtā rahā badan kal raat

na jaao chhoḌ ke mujh ko ki ghar akelā hai

matā-e-qalb-o-jigar kis ko sauñp duuñ 'sāġhar'

hujūm-e-be-hunarī meñ hunar akelā hai

hazar ham-safaron mein safar akela hai

ye intishaar ki ek ek bashar akela hai

gulu-burida sabhi hain magar zah-e-tauqir

buland nok-e-sinan par ye sar akela hai

na pattiyan hain na phal-phul phir bhi chhanw to dekh

suna tha main ne ki gham ka shajar akela hai

ye bhiD KHak dikhaegi shan-e-be-jigari

ye us ka haq hai jo sina-sipar akela hai

lipaT ke ruh se kahta raha badan kal raat

na jao chhoD ke mujh ko ki ghar akela hai

mata-e-qalb-o-jigar kis ko saunp dun 'saghar'

hujum-e-be-hunari mein hunar akela hai