hazrat-e-ishq idhar kije karam ya mabud

hazrat-e-ishq idhar kiije karam yā ma.abūd

bāl-gopāl haiñ yaañ aap ke ham yā ma.abūd

banda-ḳhāna meñ ajī lā.iye tashrīf-e-sharīf

aa ke rakh diije in ā.ankhoñ pe qadam yā ma.abūd

nafī isbāt kī shāġhil jo qalandar haiñ so vo

apnī gardan ko nahīñ karte haiñ ḳham yā ma.abūd

apne daatā kī haqīqat ke haiñ jalva tum meñ

lam.a-e-nūr-e-tajallī kī qasam yā ma.abūd

jald phaTkāriye sabze ke nashe ko koḌā

khīñchiye aur koī sulfe kā dam yā ma.abūd

aap hī aap haiñ vo aap ne sach farmāyā

yuuñ bhī kuchh dhoke se the naam ko ham yā ma.abūd

varna ye āriyatan hai jo vajūd apnā so

guzarāñ vo to hai juuñ mauja-e-yam yā ma.abūd

vāqa.ī bolne se apne laḌā baiThe jo aañkh

kyuuñ ḳhudī se na kare pher vo rum yā ma.abūd

aañkh ko kahte arab ain haiñ so ain agar

dam par aa jaa.e to ho ain-e-adam yā ma.abūd

raat tiryāk nasha ne to ulaT Daalā vaah

koī gholā to vo thā kāsa-e-sam yā ma.abūd

sidra tak aan to pahuñchā huuñ dilī qasd hai ye

ki baḌhūñ aur bhī do-chār qadam yā ma.abūd

chaar zaanū ho ab 'inshā' bhī zamīñ se ūñchā

yak va jab rahne lagā saada kī dam yā ma.abūd

hazrat-e-ishq idhar kije karam ya mabud

baal-gopal hain yan aap ke hum ya mabud

banda-KHana mein aji laiye tashrif-e-sharif

aa ke rakh dije in aaankhon pe qadam ya mabud

nafi isbaat ki shaghil jo qalandar hain so wo

apni gardan ko nahin karte hain KHam ya mabud

apne data ki haqiqat ke hain jalwa tum mein

lama-e-nur-e-tajalli ki qasam ya mabud

jald phaTkariye sabze ke nashe ko koDa

khinchiye aur koi sulfe ka dam ya mabud

aap hi aap hain wo aap ne sach farmaya

yun bhi kuchh dhoke se the nam ko hum ya mabud

warna ye aariyatan hai jo wajud apna so

guzaran wo to hai jun mauja-e-yam ya mabud

waqai bolne se apne laDa baiThe jo aankh

kyun KHudi se na kare pher wo rum ya mabud

aankh ko kahte arab ain hain so ain agar

dam par aa jae to ho ain-e-adam ya mabud

raat tiryak nasha ne to ulaT Dala wah

koi ghola to wo tha kasa-e-sam ya mabud

sidra tak aan to pahuncha hun dili qasd hai ye

ki baDhun aur bhi do-chaar qadam ya mabud

chaar zanu ho ab 'insha' bhi zamin se uncha

yak wa jab rahne laga sada ki dam ya mabud