hidayat-kar bhi sahme hue hain
hidāyat-kār bhī sahme hue haiñ
idhar kirdār bhī sahme hue haiñ
kareñ ab ḳhatm kaise ye kahānī
kahānī-kār bhī sahme hue haiñ
'ajab vahshat musallat hai vatan meñ
dar-o-dīvār bhī sahme hue haiñ
yahāñ sochoñ pe bhī pahra lagā hai
yahāñ afkār bhī sahme hue haiñ
havā.eñ ruḳh badaltī jā rahī haiñ
ghane ashjār bhī sahme hue haiñ
chaman meñ phuul hī ḳhā.if nahīñ haiñ
yahāñ to ḳhaar bhī sahme hue haiñ
musallat ḳhauf 'arshad' har taraf hai
mire sab yaar bhī sahme hue haiñ
hidayat-kar bhi sahme hue hain
idhar kirdar bhi sahme hue hain
karen ab KHatm kaise ye kahani
kahani-kar bhi sahme hue hain
'ajab wahshat musallat hai watan mein
dar-o-diwar bhi sahme hue hain
yahan sochon pe bhi pahra laga hai
yahan afkar bhi sahme hue hain
hawaen ruKH badalti ja rahi hain
ghane ashjar bhi sahme hue hain
chaman mein phul hi KHaif nahin hain
yahan to KHar bhi sahme hue hain
musallat KHauf 'arshad' har taraf hai
mere sab yar bhi sahme hue hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
