hijr barbaad kar gaya hai mujhe

hijr barbād kar gayā hai mujhe

ab kahīñ jā ke tū milā hai mujhe

ek andhe ne manziloñ se kahā

koī raste se dekhtā hai mujhe

dard kā chehra dekh saktā huuñ

ye mirā zaḳhm aa.ina hai mujhe

aate jaate mujhe hī dekhte haiñ

kaise logoñ se vāsta hai mujhe

maiñ hamesha hī bhuul jaatā huuñ

yaad us ne sadā rakhā hai mujhe

maiñ bhī vāqif huuñ shahr vāloñ se

shahr bhī ḳhuub jāntā hai mujhe

ik galī mujh meñ dasht jaisī hai

ye mirī aañkh aabla hai mujhe

manzileñ bichh ga.iiñ mire aage

vaqt hasrat se dekhtā hai mujhe

baat itnā asar nahīñ kartī

baat kā lahja kāTtā hai mujhe

rāh-e-tārīk ko pata hai 'ḳhizar'

kuchh charāġhoñ kā aasrā hai mujhe

hijr barbaad kar gaya hai mujhe

ab kahin ja ke tu mila hai mujhe

ek andhe ne manzilon se kaha

koi raste se dekhta hai mujhe

dard ka chehra dekh sakta hun

ye mera zaKHm aaina hai mujhe

aate jate mujhe hi dekhte hain

kaise logon se wasta hai mujhe

main hamesha hi bhul jata hun

yaad us ne sada rakha hai mujhe

main bhi waqif hun shahr walon se

shahr bhi KHub jaanta hai mujhe

ek gali mujh mein dasht jaisi hai

ye meri aankh aabla hai mujhe

manzilen bichh gain mere aage

waqt hasrat se dekhta hai mujhe

baat itna asar nahin karti

baat ka lahja kaTta hai mujhe

rah-e-tarik ko pata hai 'KHizar'

kuchh charaghon ka aasra hai mujhe