hijr bhi kam na hua jis ka bhulane ke baad

hijr bhī kam na huā jis kā bhulāne ke baa'd

milne aayā hai vahī shaḳhs zamāne ke baa'd

zinda rahte to yaqīñ kar na sakā mujh par vo

us ko aayā bhī yaqīñ zahr ko khāne ke baa'd

vo mujhe chhoḌ ke bhī ḳhush na huā lagtā hai

ab kisī aur pe nazreñ haiñ fulāne ke baa'd

us ne chhoḌī na kamī koī sitam karne meñ

rahm aayā na kabhī us ko satāne ke baa'd

mujh se har chiiz samajh lo ke ḳhafā baiThī hai

kuchh bhī hāsil na huā us ko gañvāne ke baa'd

aap kyā DhūñDhne aa.e haiñ mirī duniyā meñ

kuchh nahīñ bachtā kabhī ghar ko jalāne ke baa'd

ahmiyat kaun samajhtā hai kabhī hone par

tū bhī samjhegā yaqīnan mire jaane ke baa'd

hijr bhi kam na hua jis ka bhulane ke ba'd

milne aaya hai wahi shaKHs zamane ke ba'd

zinda rahte to yaqin kar na saka mujh par wo

us ko aaya bhi yaqin zahr ko khane ke ba'd

wo mujhe chhoD ke bhi KHush na hua lagta hai

ab kisi aur pe nazren hain fulane ke ba'd

us ne chhoDi na kami koi sitam karne mein

rahm aaya na kabhi us ko satane ke ba'd

mujh se har chiz samajh lo ke KHafa baiThi hai

kuchh bhi hasil na hua us ko ganwane ke ba'd

aap kya DhunDhne aae hain meri duniya mein

kuchh nahin bachta kabhi ghar ko jalane ke ba'd

ahmiyat kaun samajhta hai kabhi hone par

tu bhi samjhega yaqinan mere jaane ke ba'd