hikayat-e-lab-o-ruKHsar se aage nahin jate
hikāyāt-e-lab-o-ruḳhsār se aage nahīñ jaate
vo naġhme jo tumhāre pyaar se aage nahīñ jaate
kamandeñ Dālne aa.e the jo bām-e-surayyā par
vahī ab sāya-e-dīvār se aage nahīñ jaate
gadā-e-zāt kyā jāneñ navā-e-kā.enāt ai dil
ye vo mansūr haiñ jo daar se aage nahīñ jaate
baḌī himmat dikhā.eñge to sāhil chhoḌ jā.egā
hamāre nāḳhudā mañjdhār se aage nahīñ jaate
ajab ahl-e-samā.at haiñ jo zanjīroñ se ghabrā kar
tirī pāzeb kī jhankār se aage nahīñ jaate
murattab jin ko apnī ābla-pā.ī nahīñ kartī
vo afsāne gul-o-gulzār se aage nahīñ jaate
hikayat-e-lab-o-ruKHsar se aage nahin jate
wo naghme jo tumhaare pyar se aage nahin jate
kamanden Dalne aae the jo baam-e-surayya par
wahi ab saya-e-diwar se aage nahin jate
gada-e-zat kya jaanen nawa-e-kaenat ai dil
ye wo mansur hain jo dar se aage nahin jate
baDi himmat dikhaenge to sahil chhoD jaega
hamare naKHuda manjdhaar se aage nahin jate
ajab ahl-e-samaat hain jo zanjiron se ghabra kar
teri pazeb ki jhankar se aage nahin jate
murattab jin ko apni aabla-pai nahin karti
wo afsane gul-o-gulzar se aage nahin jate
- Book : Kalam Qateel Shifai (Pg. 242)
- Author : Qateel Shifai
- Publication : Farid Book Depot Pvt. Ltd (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.