ho na betab ada tumhaari aaj

Momin Khan Momin

ho na betab ada tumhaari aaj

Momin Khan Momin

MORE BYMomin Khan Momin

    ho na betāb adā tumhārī aaj

    naaz kartī hai be-qarārī aaj

    uḌ gayā ḳhaak par ġhubār apnā

    ho ga.ī ḳhaak ḳhāksārī aaj

    naza.a hai aur roz va.ada-e-vasl

    hai bahar-taur dam-shumārī aaj

    māna-e-qatl kyuuñ huā dushman

    jaan jā.egī hamārī aaj

    tere aate dam meñ dam aayā

    ho ga.ī yaas umīd-vārī aaj

    koī bhīñche hai dil ko pahlū meñ

    kis ne us se ham-kinārī aaj

    us ke shikve se hai asar zāhir

    kuchh to kahtī hai āh-o-zārī aaj

    ik na.ī aarzū ḳhuun huā

    ham haiñ aur taaza sogvārī aaj

    chhuT ga.e mar ke nesh-e-hijrāñ se

    kaam aayā hai zaḳhm-e-kārī aaj

    bekasī kyuuñ hai na.ash par majma.a

    kyā huī mirī piyārī aaj

    bhūle hazrat nasīhat ai nāseh

    hai kisī to yādgārī aaj

    'momin' us but ko dekh aah bharī

    kyā huā lāf-e-dīn-dārī aaj

    ho na betab ada tumhaari aaj

    naz karti hai be-qarari aaj

    uD gaya KHak par ghubar apna

    ho gai KHak KHaksari aaj

    naza hai aur roz wada-e-wasl

    hai bahar-taur dam-shumari aaj

    mana-e-qatl kyun hua dushman

    jaan hi jaegi hamari aaj

    tere aate hi dam mein dam aaya

    ho gai yas umid-wari aaj

    koi bhinche hai dil ko pahlu mein

    kis ne ki us se ham-kinari aaj

    us ke shikwe se hai asar zahir

    kuchh to kahti hai aah-o-zari aaj

    ek nai aarzu ka KHun hua

    hum hain aur taza sogwari aaj

    chhuT gae mar ke nesh-e-hijran se

    kaam aaya hai zaKHm-e-kari aaj

    bekasi kyun hai nash par majma

    kya hui tu meri piyari aaj

    bhule hazrat nasihat ai naseh

    hai kisi ki to yaadgari aaj

    'momin' us but ko dekh aah bhari

    kya hua laf-e-din-dari aaj

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY