honkte dasht mein ek gham ka samundar dekho

Abdul Hafiz Naeemi

honkte dasht mein ek gham ka samundar dekho

Abdul Hafiz Naeemi

MORE BYAbdul Hafiz Naeemi

    hoñkte dasht meñ ik ġham samundar dekho

    tum kisī roz agar dil meñ utar kar dekho

    niklo saḌkoñ pe to hañstī huī lāshoñ se milo

    band āñkheñ jo karo qatl manzar dekho

    aañch qurbat na pighlā de kahīñ tār-e-nazar

    shola-e-husn ko kuchh duur se bach kar dekho

    ye to kahte ho ki ḳhud maiñ ne kaTā.ī gardan

    koī hāthoñ meñ havā ke bhī to ḳhanjar dekho

    āstīneñ to kahīñ chupke se dho lo yaaro

    ho kisī ko na shubah qatl tum par dekho

    dar o dīvār se uThte haiñ ye shole kaise

    dosto chal ke zarā ghar ke to andar dekho

    haDDiyāñ gal chukīñ ab to na ukheḌo un ko

    DhūñD leñ phir ye nayā koī na paikar dekho

    maiñ bhī is safha-e-hastī pe ubhar saktā huuñ

    rañg to tum mirī tasvīr meñ bhar kar dekho

    ab to khiltī huī kaliyoñ meñ na DhūñDo mujh ko

    raakh hote hue ik shole manzar dekho

    pheñk do TuuTī ummīdoñ ke ye TukḌe bāhar

    dil meñ rah jaa.e kirich koī na gaḌ kar dekho

    liye ā.īna vafāoñ kahāñ phirte ho

    hoñ na hāthoñ meñ kahīñ andhoñ ke patthar dekho

    ek muddat se hai logoñ ko 'na.īmī' talāsh

    qasr-e-tanhā.ī dīvāreñ girā kar dekho

    honkte dasht mein ek gham ka samundar dekho

    tum kisi roz agar dil mein utar kar dekho

    niklo saDkon pe to hansti hui lashon se milo

    band aankhen jo karo qatl ka manzar dekho

    aanch qurbat ki na pighla de kahin tar-e-nazar

    shola-e-husn ko kuchh dur se bach kar dekho

    ye to kahte ho ki KHud main ne kaTai gardan

    koi hathon mein hawa ke bhi to KHanjar dekho

    aastinen to kahin chupke se dho lo yaro

    ho kisi ko na shubah qatl ka tum par dekho

    dar o diwar se uThte hain ye shole kaise

    dosto chal ke zara ghar ke to andar dekho

    haDDiyan gal chukin ab to na ukheDo un ko

    DhunD len phir ye naya koi na paikar dekho

    main bhi is safha-e-hasti pe ubhar sakta hun

    rang to tum meri taswir mein bhar kar dekho

    ab to khilti hui kaliyon mein na DhunDo mujh ko

    rakh hote hue ek shole ka manzar dekho

    phenk do TuTi ummidon ke ye TukDe bahar

    dil mein rah jae kirich koi na gaD kar dekho

    liye aaina wafaon ka kahan phirte ho

    hon na hathon mein kahin andhon ke patthar dekho

    ek muddat se hai logon ko 'naimi' ki talash

    qasr-e-tanhai ki diwaren gira kar dekho

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY