hosh mein aaun to sochun abhi dekha kya hai

hosh meñ aa.uuñ to sochūñ abhī dekhā kyā hai

phir ye pūchhūñ ki ye pardā hai to jalva kyā hai

donoñ āñkhoñ meñ hai ik jalva to do āñkheñ kyuuñ

putliyoñ kā ye tamāshā sā vagar na kyā hai

to ne pahchān liye apnī ḳhudā.ī ke nuqūsh

ā.īna jis ne ta.āruf ye karāyā kyā hai

zindagī-bhar paḌhī taqdīr kī ḳhufiya tahrīr

lauh-e-marqad se paḌhūñ aage kā likkhā kyā hai

maiñ huuñ taḳhlīq tirī soz kā ham-ma.anī huuñ

tū hai ma.anī to tirā lafz se rishta kyā hai

har-nafas peT kā īñdhan hai yahāñ par ai fan

hai jo hāsil tirā duniyā hī to duniyā kyā hai

hosh mein aaun to sochun abhi dekha kya hai

phir ye puchhun ki ye parda hai to jalwa kya hai

donon aankhon mein hai ek jalwa to do aankhen kyun

putliyon ka ye tamasha sa wagar na kya hai

to ne pahchan liye apni KHudai ke nuqush

aaina jis ne taaruf ye karaya kya hai

zindagi-bhar paDhi taqdir ki KHufiya tahrir

lauh-e-marqad se paDhun aage ka likkha kya hai

main hun taKHliq teri soz ka ham-mani hun

tu hai mani to tera lafz se rishta kya hai

har-nafas peT ka indhan hai yahan par ai fan

hai jo hasil tera duniya hi to duniya kya hai