hosh-o-KHirad se dur hun sud-o-ziyan se dur

Saba Afghani

hosh-o-KHirad se dur hun sud-o-ziyan se dur

Saba Afghani

MORE BYSaba Afghani

    hosh-o-ḳhirad se duur huuñ sūd-o-ziyāñ se duur

    dīvāna huuñ quyūd-e-rusūm-e-jahāñ se duur

    hadd-e-nazar se duur zamān-o-makāñ se duur

    manzil hai mere ishq fahm-o-gumāñ se duur

    rañgīnī-e-jamāl se sahrā bhī hai chaman

    baiThā huuñ gulsitāñ meñ magar gulsitāñ se duur

    ye be-ḳhudī-e-shauq aalam to dekhiye

    sajde to kar rahā huuñ magar āstāñ se duur

    dil bhī vahī hai maiñ bhī vahī dard bhī vahī

    lekin ye kyā ki lazzat-e-soz-e-nihāñ se duur

    shāyad usī naam hai nākāmī-e-murād

    manzil se huuñ qarīb magar kārvāñ se duur

    afsāna-e-hayāt ko samjho to ai 'sabā'

    har harf dāstāñ hai magar dāstāñ se duur

    hosh-o-KHirad se dur hun sud-o-ziyan se dur

    diwana hun quyud-e-rusum-e-jahan se dur

    hadd-e-nazar se dur zaman-o-makan se dur

    manzil hai mere ishq ki fahm-o-guman se dur

    rangini-e-jamal se sahra bhi hai chaman

    baiTha hun gulsitan mein magar gulsitan se dur

    ye be-KHudi-e-shauq ka aalam to dekhiye

    sajde to kar raha hun magar aastan se dur

    dil bhi wahi hai main bhi wahi dard bhi wahi

    lekin ye kya ki lazzat-e-soz-e-nihan se dur

    shayad usi ka nam hai nakaami-e-murad

    manzil se hun qarib magar karwan se dur

    afsana-e-hayat ko samjho to ai 'saba'

    har harf dastan hai magar dastan se dur

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY