hue KHush hum ek nigar se hue shad uski bahaar se

hue ḳhush ham ek nigār se hue shaad us kī bahār se

kabhī shaan se kabhī aan se kabhī naaz se kabhī pyaar se

huī pairahan se bhī ḳhush-dilī kalī dil kī aur bahut khilī

kabhī turre se kabhī gajre se kabhī baddhī se kabhī haar se

vo kanārī in meñ jo thī guñdhī use dekh kar bhī huī ḳhushī

kabhī nuur se kabhī lahar se kabhī taab se kabhī taar se

ga.e us ke saath chaman meñ ham to guloñ ko dekh ke ḳhush hue

kabhī sarv se kabhī nahr se kabhī barg se kabhī baar se

vo 'nazīr' se to milā kiyā magar apnī vaz.a neñ is tarah

kabhī jald se kabhī der se kabhī lutf se kabhī aar se

hue KHush hum ek nigar se hue shad us ki bahaar se

kabhi shan se kabhi aan se kabhi naz se kabhi pyar se

hui pairahan se bhi KHush-dili kali dil ki aur bahut khili

kabhi turre se kabhi gajre se kabhi baddhi se kabhi haar se

wo kanari in mein jo thi gundhi use dekh kar bhi hui KHushi

kabhi nur se kabhi lahar se kabhi tab se kabhi tar se

gae us ke sath chaman mein hum to gulon ko dekh ke KHush hue

kabhi sarw se kabhi nahr se kabhi barg se kabhi bar se

wo 'nazir' se to mila kiya magar apni waza nen is tarah

kabhi jald se kabhi der se kabhi lutf se kabhi aar se