hue mujhse jis ghaDi tum juda tumhein yaad ho ki na yaad ho

Nazeer Banarasi

hue mujhse jis ghaDi tum juda tumhein yaad ho ki na yaad ho

Nazeer Banarasi

MORE BYNazeer Banarasi

    hue mujh se jis ghaḌī tum judā tumheñ yaad ho ki na yaad ho

    mirī har nazar thī ik iltijā tumheñ yaad ho ki na yaad ho

    vo tumhārā kahnā ki jā.eñge agar aa sake to phir ā.eñge

    use ik zamāna guzar gayā tumheñ yaad ho ki na yaad ho

    mirī be-qarāriyāñ dekh kar mujhe tum ne thiiñ tasalliyāñ

    mirā chehra phir bhī udaas thā tumheñ yaad ho ki na yaad ho

    mirī bebasī ne zabān tak jise ke tum ko rulā diyā

    mire TuuTe saaz vo sadā tumheñ yaad ho ki na yaad ho

    tumheñ chand qatra-e-ashk bhī kiye pesh jis ke javāb meñ

    vo salām nīchī nigāh tumheñ yaad ho ki na yaad ho

    mire shāne par yahī zulf thī jo hai aaj mujh se khiñchī khiñchī

    mire haath meñ yahī haath thā tumheñ yaad ho ki na yaad ho

    kabhī haath meñ jo sharāb vahīñ tum ne chhīn ke pheñk

    mujhe yaad hai mire pārsā tumheñ yaad ho ki na yaad ho

    kahīñ tum ko jaanā huā agar na ga.e baġhair 'nazīr' ke

    vo zamāna apne 'nazīr' tumheñ yaad ho ki na yaad ho

    hue mujh se jis ghaDi tum juda tumhein yaad ho ki na yaad ho

    meri har nazar thi ek iltija tumhein yaad ho ki na yaad ho

    wo tumhaara kahna ki jaenge agar aa sake to phir aaenge

    use ek zamana guzar gaya tumhein yaad ho ki na yaad ho

    meri be-qarariyan dekh kar mujhe tum ne di thin tasalliyan

    mera chehra phir bhi udas tha tumhein yaad ho ki na yaad ho

    meri bebasi ne zaban tak jise la ke tum ko rula diya

    mere TuTe saz ki wo sada tumhein yaad ho ki na yaad ho

    tumhein chand qatra-e-ashk bhi kiye pesh jis ke jawab mein

    wo salam nichi nigah ka tumhein yaad ho ki na yaad ho

    mere shane par yahi zulf thi jo hai aaj mujh se khinchi khinchi

    mere hath mein yahi hath tha tumhein yaad ho ki na yaad ho

    kabhi hath mein jo sharab li wahin tum ne chhin ke phenk di

    mujhe yaad hai mere parsa tumhein yaad ho ki na yaad ho

    kahin tum ko jaana hua agar na gae baghair 'nazir' ke

    wo zamana apne 'nazir' ka tumhein yaad ho ki na yaad ho

    Source :
    • Book : Kulliyat-e-Nazeer Banarasi (Pg. 59)
    • Author : Nazeer Banarsi
    • Publication : Educational Publishing House (2014)
    • Edition : 2014
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY