hui muddaten ai dil-e-hazin na payam hai na salam hai

huī muddateñ ai dil-e-hazīñ na payām hai na salām hai

ki usī ko kahte haiñ dostī ki usī kā dostī naam hai

kabhī jaa.e bād-e-sabā udhar to ye kahnā us kī bhī hai ḳhabar

ba-juz ek ġham ke sivā tire jise khānā piinā harām hai

tū sukūn-o-sabr miTā.e jā ġham-e-ishq mujh ko rulā.e jā

ho taḌap taḌap ke sahar mujhe yahī dard-e-dil tirā kaam hai

maiñ dikhā.ūñ kis ko ye hāl-e-dil maiñ sunā.ūñ kis ko ye hāl-e-dil

kahīñ mujh se ḳhāna-ba-dosh ko na qarār hai na qayām hai

mujhe dard tū ne atā kiyā mire mehrbāñ tirā shukriya

banā dard-e-dil tirā zindagī tire dard-e-dil se hī kaam hai

na qarār aa.e kisī tarah mire dard-e-dil tū taraqqī kar

shab-e-ġham taḌapte hī ho sahar shab-e-ġham taḌapne se kaam hai

ye kaisī us kī hai dostī ye batā to mujh ko dil-e-hazīñ

nahīñ jis ko duur kā vāsta use duur hī se salām hai

vo nazar bachā ke chalā gayā maiñ ye 'rāz' kahtā hī rah gayā

zarā jaane vaale ye baat sun ye batā to kyā tirā naam hai

hui muddaten ai dil-e-hazin na payam hai na salam hai

ki usi ko kahte hain dosti ki usi ka dosti nam hai

kabhi jae baad-e-saba udhar to ye kahna us ki bhi hai KHabar

ba-juz ek gham ke siwa tere jise khana pina haram hai

tu sukun-o-sabr miTae ja gham-e-ishq mujh ko rulae ja

ho taDap taDap ke sahar mujhe yahi dard-e-dil tera kaam hai

main dikhaun kis ko ye haal-e-dil main sunaun kis ko ye haal-e-dil

kahin mujh se KHana-ba-dosh ko na qarar hai na qayam hai

mujhe dard tu ne ata kiya mere mehrban tera shukriya

bana dard-e-dil tera zindagi tere dard-e-dil se hi kaam hai

na qarar aae kisi tarah mere dard-e-dil tu taraqqi kar

shab-e-gham taDapte hi ho sahar shab-e-gham taDapne se kaam hai

ye kaisi us ki hai dosti ye bata to mujh ko dil-e-hazin

nahin jis ko dur ka wasta use dur hi se salam hai

wo nazar bacha ke chala gaya main ye 'raaz' kahta hi rah gaya

zara jaane wale ye baat sun ye bata to kya tera nam hai