ہنر زخم نمائی بھی نہیں
صلۂ آبلہ پائی بھی نہیں
درد سر اب ترے ہونے کا سبب
اب تو وہ دست حنائی بھی نہیں
میں نے ہر رنگ سمیٹا اس کا
اور تصویر بنائی بھی نہیں
بندگی بھی نہ مجھے راس آئی
اور پندار خدائی بھی نہیں
جل گیا جس میں مرا سارا وجود
تو نے وہ آگ لگائی بھی نہیں
اے خدا بخت سکندر مت دے
اور کشکول گدائی بھی نہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
