حسن جب بے نقاب ہوتا ہے
حسن جب بے نقاب ہوتا ہے
عشق خانہ خراب ہوتا ہے
کتنے معصوم دل جلا ڈالے
اک قیامت شباب ہوتا ہے
غیر سے باندھتے ہو عہد وفا
ہم سے لیکن حجاب ہوتا ہے
میں نے مانا کہ خواب ہے الفت
کتنا شیریں یہ خواب ہوتا ہے
کس کی نظروں سے پی رہا ہوں میں
کون مست شراب ہوتا ہے
جب لب بام آپ آتے ہیں
جلوہ گر ماہتاب ہوتا ہے
آئنہ اس کے روبرو ہو تو وہ
آپ اپنا جواب ہوتا ہے
مأخذ:
خاک پروانہ (Pg. 50)
- مصنف: ارمان رامپوری
-
- ناشر: محمد احید الدین نظامی
- سن اشاعت: 1962
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
