حسن کی دل کشی نہیں جاتی
حسن کی دل کشی نہیں جاتی
آنکھ کی تشنگی نہیں جاتی
آپ کی سادگی نہیں جاتی
اس لئے دل کشی نہیں جاتی
تیری زلفوں کے پیچ و خم توبہ
میری دیوانگی نہیں جاتی
بات کیا ہے مرے نشیمن سے
برق کی دشمنی نہیں جاتی
تختۂ دار ہو کہ قید رسن
عشق کی خود سری نہیں جاتی
خواہ رسوا سہی زمانے میں
عظمت عاشقی نہیں جاتی
حسن کی چشم مے چکاں توبہ
خواہش مے کشی نہیں جاتی
بات دل کی نہ پوچھئے اخترؔ
بات دل کی کہی نہیں جاتی
مأخذ:
برق وشرر (Pg. 61)
- مصنف: اختر مادھو پوری
-
- ناشر: محمد انعام الحق انعام
- سن اشاعت: 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
