husn mail ba-sitam ho to ghazal hoti hai

Naseem Shahjahanpuri

husn mail ba-sitam ho to ghazal hoti hai

Naseem Shahjahanpuri

MORE BYNaseem Shahjahanpuri

    husn maa.il ba-sitam ho to ġhazal hotī hai

    ishq bā-dīda-e-nam ho to ġhazal hotī hai

    phuul barsā.eñ ki vo hañs ke girā.eñ bijlī

    koī bhī ḳhaas karam ho to ġhazal hotī hai

    kabhī duniyā ho kabhī tum kabhī taqdīr ḳhilāf

    roz ik taaza sitam ho to ġhazal hotī hai

    dāman-e-zabt chhuTe chuur ho shīsha-e-dil

    hādsa koī aham ho to ġhazal hotī hai

    shikan-e-gesū-e-daurāñ pe mauqūf nahīñ

    un zulfoñ meñ bhī ḳham ho to ġhazal hotī hai

    chārāgar laakh kareñ koshish-e-darmāñ lekin

    dard is par bhī na kam ho to ġhazal hotī hai

    rāz-e-taḳhlīq-e-ġhazal ham ko hai ma.alūm 'nasīm'

    jaam ho mai ho sanam ho to ġhazal hotī hai

    husn mail ba-sitam ho to ghazal hoti hai

    ishq ba-dida-e-nam ho to ghazal hoti hai

    phul barsaen ki wo hans ke giraen bijli

    koi bhi KHas karam ho to ghazal hoti hai

    kabhi duniya ho kabhi tum kabhi taqdir KHilaf

    roz ek taza sitam ho to ghazal hoti hai

    daman-e-zabt chhuTe chur ho ya shisha-e-dil

    hadsa koi aham ho to ghazal hoti hai

    shikan-e-gesu-e-dauran hi pe mauquf nahin

    un ki zulfon mein bhi KHam ho to ghazal hoti hai

    chaaragar lakh karen koshish-e-darman lekin

    dard is par bhi na kam ho to ghazal hoti hai

    raaz-e-taKHliq-e-ghazal hum ko hai malum 'nasim'

    jam ho mai ho sanam ho to ghazal hoti hai

    RECITATIONS

    Nomaan Shauque

    Nomaan Shauque

    Nomaan Shauque

    husn mail ba-sitam ho to ghazal hoti hai Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY