husn paband-e-hina ho jaise

Raza Hamdani

husn paband-e-hina ho jaise

Raza Hamdani

MORE BYRaza Hamdani

    husn pāband-e-hinā ho jaise

    ye vafāoñ sila ho jaise

    yuuñ vo karte haiñ kinārā mujh se

    is meñ merā bhalā ho jaise

    ta.ana dete haiñ mujhe jiine

    zindagī merī ḳhatā ho jaise

    is tarah aañkh se Tapkā hai lahū

    shāḳh se phuul girā ho jaise

    sar-e-kohsār vo bādal garjā

    dil dhaḌakne sadā ho jaise

    hāl-e-dil pūchhte ho yuuñ mujh se

    tum mire dil se judā ho jaise

    yaad yuuñ aa.ī tirī ruk ruk kar

    koī zanjīr-ba-pā ho jaise

    ab jafā ko bhī taraste haiñ 'razā'

    yahī tāsīr-e-duā ho jaise

    husn paband-e-hina ho jaise

    ye wafaon ka sila ho jaise

    yun wo karte hain kinara mujh se

    is mein mera hi bhala ho jaise

    tana dete hain mujhe jine ka

    zindagi meri KHata ho jaise

    is tarah aankh se Tapka hai lahu

    shaKH se phul gira ho jaise

    sar-e-kohsar wo baadal garja

    dil dhaDakne ki sada ho jaise

    haal-e-dil puchhte ho yun mujh se

    tum mere dil se juda ho jaise

    yaad yun aai teri ruk ruk kar

    koi zanjir-ba-pa ho jaise

    ab jafa ko bhi taraste hain 'raza'

    yahi tasir-e-dua ho jaise

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY