husul-e-manzil-e-jaan ka hunar nahin aaya

Bakhsh Layalpuri

husul-e-manzil-e-jaan ka hunar nahin aaya

Bakhsh Layalpuri

MORE BYBakhsh Layalpuri

    husūl-e-manzil-e-jāñ hunar nahīñ aayā

    vo raushnī thī ki kuchh bhī nazar nahīñ aayā

    bhaTak rahe haiñ abhī ziist ke sarāboñ meñ

    musāfiroñ ko shu.ūr-e-safar nahīñ aayā

    tamām raat sitāra-shanās rote rahe

    nazar gañvā sitāra nazar nahīñ aayā

    hazār minnateñ kiiñ vāste ḳhudā ke diye

    ye rāh-e-rāst pe vo rāhbar nahīñ aayā

    zabān-e-sher pe mohar-e-sukūt hai ab tak

    jalāl-e-saut-o-suḳhan rañg par nahīñ aayā

    vo tak rahe haiñ azal se farāz-e-gardūñ par

    nazar kisī ko bhī najm-e-sahar nahīñ aayā

    hamāre shahr ke har sañg-bār se ye kaho

    hamārī shāḳh-e-shajar par samar nahīñ aayā

    har ek moḌ pe ham ne bahut sadā.eñ diiñ

    safar tamām huā ham-safar nahīñ aayā

    dayār-e-ġhair se merā vo sar-phirā beTā

    gayā hai ghar se to phir lauT kar nahīñ aayā

    husul-e-manzil-e-jaan ka hunar nahin aaya

    wo raushni thi ki kuchh bhi nazar nahin aaya

    bhaTak rahe hain abhi zist ke sarabon mein

    musafiron ko shuur-e-safar nahin aaya

    tamam raat sitara-shanas rote rahe

    nazar ganwa di sitara nazar nahin aaya

    hazar minnaten kin waste KHuda ke diye

    ye rah-e-rast pe wo rahbar nahin aaya

    zaban-e-sher pe mohar-e-sukut hai ab tak

    jalal-e-saut-o-suKHan rang par nahin aaya

    wo tak rahe hain azal se faraaz-e-gardun par

    nazar kisi ko bhi najm-e-sahar nahin aaya

    hamare shahr ke har sang-bar se ye kaho

    hamari shaKH-e-shajar par samar nahin aaya

    har ek moD pe hum ne bahut sadaen din

    safar tamam hua ham-safar nahin aaya

    dayar-e-ghair se mera wo sar-phira beTa

    gaya hai ghar se to phir lauT kar nahin aaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY