hun parsa tere pahlu mein shab guzar ke bhi

Saleem Siddiqui

hun parsa tere pahlu mein shab guzar ke bhi

Saleem Siddiqui

MORE BYSaleem Siddiqui

    huuñ pārsā tire pahlū meñ shab guzār ke bhī

    maiñ be-libās nahīñ pairahan utaar ke bhī

    har ek sar ko bulandī atā nahīñ karte

    usuul hote haiñ kuchh to salīb-o-dār ke bhī

    hamāre aks bhī dhundhle hue to ham samjhe

    ki ā.īnoñ se haiñ rishte yahāñ ġhubār ke bhī

    na ābloñ se hai raġhbat na paañv se ranjish

    ajab sulūk haiñ maidān-e-ḳhārzār ke bhī

    vo be-yaqīn bharosa na kar sakā varna

    the mere saath ka.ī log e'tibār ke bhī

    faqat tumhīñ ko nahīñ apnī sādgī pe ġhurūr

    dimāġh arsh pe rahte haiñ ḳhāksār ke bhī

    maiñ jis ke paañv aahaT muntazir thā 'salīm'

    vo chukā mujhe dahlīz se pukār ke bhī

    hun parsa tere pahlu mein shab guzar ke bhi

    main be-libas nahin pairahan utar ke bhi

    har ek sar ko bulandi ata nahin karte

    usul hote hain kuchh to salib-o-dar ke bhi

    hamare aks bhi dhundhle hue to hum samjhe

    ki aainon se hain rishte yahan ghubar ke bhi

    na aablon se hai raghbat na panw se ranjish

    ajab suluk hain maidan-e-KHarzar ke bhi

    wo be-yaqin bharosa na kar saka warna

    the mere sath kai log e'tibar ke bhi

    faqat tumhin ko nahin apni sadgi pe ghurur

    dimagh arsh pe rahte hain KHaksar ke bhi

    main jis ke panw ki aahaT ka muntazir tha 'salim'

    wo ja chuka mujhe dahliz se pukar ke bhi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY