iza-dahi ki dad jo pata raha hun main

īzā-dahī kī daad jo paatā rahā huuñ maiñ

har nāz-āfrīñ ko satātā rahā huuñ maiñ

ai ḳhush-ḳhirām paañv ke chhāle to gin zarā

tujh ko kahāñ kahāñ na phirātā rahā huuñ maiñ

ik husn-e-be-misāl kī tamsīl ke liye

parchhā.iyoñ pe rang girātā rahā huuñ maiñ

kyā mil gayā zamīr-e-hunar bech kar mujhe

itnā ki sirf kaam chalātā rahā huuñ maiñ

rūhoñ ke parda-posh gunāhoñ se be-ḳhabar

jismoñ kī nekiyāñ hī ginātā rahā huuñ maiñ

tujh ko ḳhabar nahīñ ki tirā karb dekh kar

aksar tirā mazāq uḌātā rahā huuñ maiñ

shāyad mujhe kisī se mohabbat nahīñ huī

lekin yaqīn sab ko dilātā rahā huuñ maiñ

ik satr bhī kabhī na likhī maiñ ne tere naam

pāgal tujhī ko yaad bhī aatā rahā huuñ maiñ

jis din se e'timād meñ aayā tirā shabāb

us din se tujh pe zulm hī Dhātā rahā huuñ maiñ

apnā misāliya mujhe ab tak na mil sakā

zarroñ ko āftāb banātā rahā huuñ maiñ

bedār kar ke tere badan kī ḳhud-āgahī

tere badan kī umr ghaTātā rahā huuñ maiñ

kal dopahar ajiib sī ik be-dilī rahī

bas tīliyāñ jalā ke bujhātā rahā huuñ maiñ

iza-dahi ki dad jo pata raha hun main

har naz-afrin ko satata raha hun main

ai KHush-KHiram panw ke chhaale to gin zara

tujh ko kahan kahan na phiraata raha hun main

ek husn-e-be-misal ki tamsil ke liye

parchhaiyon pe rang giraata raha hun main

kya mil gaya zamir-e-hunar bech kar mujhe

itna ki sirf kaam chalata raha hun main

ruhon ke parda-posh gunahon se be-KHabar

jismon ki nekiyan hi ginata raha hun main

tujh ko KHabar nahin ki tera karb dekh kar

aksar tera mazaq uData raha hun main

shayad mujhe kisi se mohabbat nahin hui

lekin yaqin sab ko dilata raha hun main

ek satr bhi kabhi na likhi main ne tere nam

pagal tujhi ko yaad bhi aata raha hun main

jis din se e'timad mein aaya tera shabab

us din se tujh pe zulm hi Dhata raha hun main

apna misaliya mujhe ab tak na mil saka

zarron ko aaftab banata raha hun main

bedar kar ke tere badan ki KHud-agahi

tere badan ki umr ghaTata raha hun main

kal dopahar ajib si ek be-dili rahi

bas tiliyan jala ke bujhata raha hun main