ek ajab KHauf sa tajdid se aata hai mujhe

ik 'ajab ḳhauf sā tajdīd se aatā hai mujhe

kyoñ miTāne ke liye phir se banātā hai mujhe

us ko rote hue logoñ pe hañsī aatī hai

so vo hañsne ke liye ḳhuub rulātā hai mujhe

maiñ kahīñ huuñ hī nahīñ apne mutābiq lekin

us kā kahnā hai ki har samt vo paatā hai mujhe

kitnī mushkil se maiñ har baar chhuḌātā huuñ jaan

kaun ā.īne ke phir sāmne laatā hai mujhe

kitnā achchhā hai mirā yaar mohabbat hī nahīñ

bevafā.ī ke bhī ādāb sikhātā hai mujhe

raat kaTtī hai mirī jis kī balā.eñ lete

sub.h vo shaḳhs nazar kyoñ nahīñ aatā hai mujhe

khīñch letā huuñ qadam apne maiñ pīchhe 'tarkash'

dil to rah-rah ke tirī or baḌhātā hai mujhe

ek 'ajab KHauf sa tajdid se aata hai mujhe

kyon miTane ke liye phir se banata hai mujhe

us ko rote hue logon pe hansi aati hai

so wo hansne ke liye KHub rulata hai mujhe

main kahin hun hi nahin apne mutabiq lekin

us ka kahna hai ki har samt wo pata hai mujhe

kitni mushkil se main har bar chhuData hun jaan

kaun aaine ke phir samne lata hai mujhe

kitna achchha hai mera yar mohabbat hi nahin

bewafai ke bhi aadab sikhata hai mujhe

raat kaTti hai meri jis ki balaen lete

subh wo shaKHs nazar kyon nahin aata hai mujhe

khinch leta hun qadam apne main pichhe 'tarkash'

dil to rah-rah ke teri or baDhata hai mujhe