ek ajnabi KHayal mein KHud se juda raha

Saghar Mehdi

ek ajnabi KHayal mein KHud se juda raha

Saghar Mehdi

MORE BYSaghar Mehdi

    ik ajnabī ḳhayāl meñ ḳhud se judā rahā

    niiñd aa ga.ī thī raat magar jāgtā rahā

    sañgīn hādsoñ meñ bhī hañstī rahī hayāt

    patthar pe ik gulāb hamesha khilā rahā

    duniyā ko us nigāh ne dīvāna kar diyā

    maiñ vo sitam-zarīf ki bas dekhtā rahā

    ik ajnabī mahak lahū meñ rachī rahī

    naġhma jān-o-tan meñ koī gūñjtā rahā

    ab ke ye khulā ki har ik shaḳhs dosto

    har shaḳhs ko libās se pahchāntā rahā

    fikr-e-suḳhan meñ raat jo aayā ḳhayāl-e-'mīr'

    tā-der Diary pe qalam kāñptā rahā

    'sāġhar' tamām umr gardish ke bāvajūd

    maiñ us nigāh-e-nāz se nā-āshnā rahā

    ek ajnabi KHayal mein KHud se juda raha

    nind aa gai thi raat magar jagta raha

    sangin hadson mein bhi hansti rahi hayat

    patthar pe ek gulab hamesha khila raha

    duniya ko us nigah ne diwana kar diya

    main wo sitam-zarif ki bas dekhta raha

    ek ajnabi mahak si lahu mein rachi rahi

    naghma sa jaan-o-tan mein koi gunjta raha

    ab ja ke ye khula ki har ek shaKHs dosto

    har shaKHs ko libas se pahchanta raha

    fikr-e-suKHan mein raat jo aaya KHayal-e-'mir'

    ta-der Diary pe qalam kanpta raha

    'saghar' tamam umr ki gardish ke bawajud

    main us nigah-e-naz se na-ashna raha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY