ek bikharte aashiyan ki baat hai

ik bikharte āshiyāñ kī baat hai

ik shikasta sā.ebāñ kī baat hai

mere māthe ke nishāñ kī baat hai

un ke sañg-e-āstāñ kī baat hai

dard-o-ġham ke qāfile kā zikr hai

ashk kī mauj-e-ravāñ kī baat hai

ruuh kā rishta hai ye terā mirā

ye bhalā kab jism-o-jāñ kī baat hai

log jo kahte haiñ tum ko bevafā

tum batāo ye kahāñ kī baat hai

zaḳhm bhar kar phir hare kaise hue

bas kaf-e-chāra-garāñ kī baat hai

sach vahī hai jo abhī maiñ ne kahā

baaqī zeb-e-dāstāñ kī baat hai

ek bikharte aashiyan ki baat hai

ek shikasta saeban ki baat hai

mere mathe ke nishan ki baat hai

un ke sang-e-astan ki baat hai

dard-o-gham ke qafile ka zikr hai

ashk ki mauj-e-rawan ki baat hai

ruh ka rishta hai ye tera mera

ye bhala kab jism-o-jaan ki baat hai

log jo kahte hain tum ko bewafa

tum batao ye kahan ki baat hai

zaKHm bhar kar phir hare kaise hue

bas kaf-e-chaara-garan ki baat hai

sach wahi hai jo abhi main ne kaha

baqi zeb-e-dastan ki baat hai