اک چراغاں رات بھر پانی پہ ہے
اک چراغاں رات بھر پانی پہ ہے
روشنی کا اک نگر پانی پہ ہے
عکس ڈھلتی شب کے رنگ و نور کا
جاذب قلب و نظر پانی پہ ہے
چھیڑتی ہے راگنی پتوار کیا
ایک نغمہ سربسر پانی پہ ہے
چاند کی اٹکھیلیاں لہروں کے ساتھ
کھیل جاری رات بھر پانی پہ ہے
کشتیاں ان کی سونامی لے گئی
جن غریبوں کا بسر پانی پہ ہے
ایک مٹھی خاک انجام حیات
استھیوں کا پھر سفر پانی پہ ہے
کیا خبر کب ڈوب جائے زندگی
ہم حبابوں کا سفر پانی پہ ہے
کیا خبر کب موج طوفاں دے اچھال
نازلیؔ تیرا بھی گھر پانی پہ ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
