ek daman-e-rangin lahraya masti si faza mein chha hi gai

Nushur Wahidi

ek daman-e-rangin lahraya masti si faza mein chha hi gai

Nushur Wahidi

MORE BYNushur Wahidi

    ik dāman-e-rañgīñ lahrāyā mastī fazā meñ chhā ga.ī

    jab sair-e-chaman ko vo nikle phūloñ jabīñ sharmā ga.ī

    ye sehn-e-chaman ye bāġh-e-jahāñ ḳhālī to na thā nik.hat se magar

    kuchh dāman-e-gul se duur thā maiñ kuchh bād-e-sabā katrā ga.ī

    ehsās-e-alam aur pās-e-hayā us vaqt aañsū sahbā hai

    us chashm-e-hasīñ ko kyā kahiye jab na sakī chhalkā ga.ī

    ḳhud-bīñ thā mizāj-e-husn magar dāmān-e-mohabbat chhū gayā

    andāz-e-taġhāful kuchh bhī sahī kuchh un nazar farmā ga.ī

    har sho.ala-gar-e-ahd-e-zulmat anjām se apne Dartā hai

    jab zikr-e-sahar mahfil meñ chhiḌā kuchh sham.a lau tharrā ga.ī

    is daur meñ kitne shaiḳh-e-haram mai-ḳhāne rasta pūchh ga.e

    saaqī nazar begāna sahī kuchh kār-e-jahāñ samjhā ga.ī

    ik aah jo sho.ala-bār huī aalam meñ sharāre phail ga.e

    ik mauj jo muztar ho ke uThī dariyā lahū garmā ga.ī

    tahzīb ke rā.anā paikar se ye bār-e-amānat uTh na sakā

    nāzūra-e-ahd-e-hāzir nāzuk thī kamar bal khā ga.ī

    zahrāb-e-zamāna kar jo ahl-e-junūñ the raah lage

    shā.er ko 'nushūr' ik zulf-e-dotā ġham de na sakī uljhā ga.ī

    ek daman-e-rangin lahraya masti si faza mein chha hi gai

    jab sair-e-chaman ko wo nikle phulon ki jabin sharma hi gai

    ye sehn-e-chaman ye bagh-e-jahan KHali to na tha nikhat se magar

    kuchh daman-e-gul se dur tha main kuchh baad-e-saba katra hi gai

    ehsas-e-alam aur pas-e-haya us waqt ka aansu sahba hai

    us chashm-e-hasin ko kya kahiye jab pi na saki chhalka hi gai

    KHud-bin tha mizaj-e-husn magar daman-e-mohabbat chhu hi gaya

    andaz-e-taghaful kuchh bhi sahi kuchh un ki nazar farma hi gai

    har shoala-gar-e-ahd-e-zulmat anjam se apne Darta hai

    jab zikr-e-sahar mahfil mein chhiDa kuchh shama ki lau tharra hi gai

    is daur mein kitne shaiKH-e-haram mai-KHane ka rasta puchh gae

    saqi ki nazar begana sahi kuchh kar-e-jahan samjha hi gai

    ek aah jo shoala-bar hui aalam mein sharare phail gae

    ek mauj jo muztar ho ke uThi dariya ka lahu garma hi gai

    tahzib ke raana paikar se ye bar-e-amanat uTh na saka

    nazura-e-ahd-e-hazir ki nazuk thi kamar bal kha hi gai

    zahrab-e-zamana pi pi kar jo ahl-e-junun the rah lage

    shaer ko 'nushur' ek zulf-e-dota gham de na saki uljha hi gai

    Source :
    • Book : Sawad-e-manzil (Pg. 219)
    • Author : Nushoor Wahedi
    • Publication : Maktaba Jamia Ltd, Delhi (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY