ek din KHud ko apne pas biThaya humne

Shariq Kaifi

ek din KHud ko apne pas biThaya humne

Shariq Kaifi

MORE BYShariq Kaifi

    ik din ḳhud ko apne paas biThāyā ham ne

    pahle yaar banāyā phir samjhāyā ham ne

    ḳhud bhī āḳhir-kār unhī va.adoñ se bahle

    jin se saarī duniyā ko bahlāyā ham ne

    bhiiḌ ne yūñhī rahbar maan liyā hai varna

    apne alāva kis ko ghar pahuñchāyā ham ne

    maut ne saarī raat hamārī nabz TaTolī

    aisā marne māhaul banāyā ham ne

    ghar se nikle chauk ga.e phir park meñ baiThe

    tanhā.ī ko jagah jagah bikhrāyā ham ne

    in lamhoñ meñ kis ki shirkat kaisī shirkat

    use bulā kar apnā kaam baḌhāyā ham ne

    duniyā ke kachche rañgoñ ronā royā

    phir duniyā par apnā rañg jamāyā ham ne

    jab 'shāriq' pahchān ga.e manzil haqīqat

    phir raste ko raste bhar uljhāyā ham ne

    ek din KHud ko apne pas biThaya hum ne

    pahle yar banaya phir samjhaya hum ne

    KHud bhi aaKHir-kar unhi wadon se bahle

    jin se sari duniya ko bahlaya hum ne

    bhiD ne yunhi rahbar man liya hai warna

    apne alawa kis ko ghar pahunchaya hum ne

    maut ne sari raat hamari nabz TaToli

    aisa marne ka mahaul banaya hum ne

    ghar se nikle chauk gae phir park mein baiThe

    tanhai ko jagah jagah bikhraya hum ne

    in lamhon mein kis ki shirkat kaisi shirkat

    use bula kar apna kaam baDhaya hum ne

    duniya ke kachche rangon ka rona roya

    phir duniya par apna rang jamaya hum ne

    jab 'shaariq' pahchan gae manzil ki haqiqat

    phir raste ko raste bhar uljhaya hum ne

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now