ek hijr hai aur us ka bayan kuchh bhi nahin hai
ek hijr hai aur us ka bayan kuchh bhi nahin hai
Mohammad Iftikhar Shafi
MORE BYMohammad Iftikhar Shafi
ik hijr hai aur us kā bayāñ kuchh bhī nahīñ hai
ai 'ishq mire paas yahāñ kuchh bhī nahīñ hai
har chashm ko manzar kiyā ik jalva-numā ne
varna to ba-juz 'aks-e-butāñ kuchh bhī nahīñ hai
kuchh peḌ bahut der se ḳhāmosh khaḌe haiñ
bastī meñ musāfir na makāñ kuchh bhī nahīñ hai
ye dasht hamārī bhī guzargāh thā lekin
is dasht meñ ai rāhravāñ kuchh bhī nahīñ hai
ik yaad shab-e-rafta ke marqad pe chaḌhī yaad
varna ye charāġhoñ kā dhuāñ kuchh bhī nahīñ hai
ai manzar-e-ḳhush-rang tujhe aur banāte
hāthoñ meñ magar tāb-o-tavāñ kuchh bhī nahīñ hai
har shai hai yahāñ sūrat-e-mahtāb-e-ufuq-tāb
is raat ke parde meñ nihāñ kuchh bhī nahīñ hai
ek hijr hai aur us ka bayan kuchh bhi nahin hai
ai 'ishq mere pas yahan kuchh bhi nahin hai
har chashm ko manzar kiya ek jalwa-numa ne
warna to ba-juz 'aks-e-butan kuchh bhi nahin hai
kuchh peD bahut der se KHamosh khaDe hain
basti mein musafir na makan kuchh bhi nahin hai
ye dasht hamari bhi guzargah tha lekin
is dasht mein ai rahrawan kuchh bhi nahin hai
ek yaad shab-e-rafta ke marqad pe chaDhi yaad
warna ye charaghon ka dhuan kuchh bhi nahin hai
ai manzar-e-KHush-rang tujhe aur banate
hathon mein magar tab-o-tawan kuchh bhi nahin hai
har shai hai yahan surat-e-mahtab-e-ufuq-tab
is raat ke parde mein nihan kuchh bhi nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
