ek manzar-e-fareb-e-mohabbat hai pyar hai

ik manzar-e-fareb-e-mohabbat hai pyaar hai

chehre batā rahe haiñ diloñ meñ ġhubār hai

maiñ sun rahā huuñ baḌhtī huī shorishoñ kī chaap

duniyā samajh rahī hai fazā sāzgār hai

chal mere saath aur qadam tol tol kar

sabr-o-razā kī raah baḌī pechdār hai

din aaj kā sukūñ se guzar jaa.e fikr kar

har aane vaale kal kā kise e'tibār hai

is aas ko sambhāl ke fānūs-e-dil meñ rakh

jis aas par hayāt kā dār-o-madār hai

tartīb de rahe haiñ charāġhoñ kī anjuman

vo log sub.h-e-nau kā jinheñ intizār hai

ai 'sāz' kuchh-na-kuchh to hai is lutf-e-ḳhās meñ

zikr un kī anjuman meñ mirā baar baar hai

ek manzar-e-fareb-e-mohabbat hai pyar hai

chehre bata rahe hain dilon mein ghubar hai

main sun raha hun baDhti hui shorishon ki chap

duniya samajh rahi hai faza sazgar hai

chal mere sath aur qadam tol tol kar

sabr-o-raza ki rah baDi pechdar hai

din aaj ka sukun se guzar jae fikr kar

har aane wale kal ka kise e'tibar hai

is aas ko sambhaal ke fanus-e-dil mein rakh

jis aas par hayat ka dar-o-madar hai

tartib de rahe hain charaghon ki anjuman

wo log subh-e-nau ka jinhen intizar hai

ai 'saz' kuchh-na-kuchh to hai is lutf-e-KHas mein

zikr un ki anjuman mein mera bar bar hai