اک نگاہ دلبری میری طرف
اک نگاہ دلبری میری طرف
زندگی آ جائے گی میری طرف
سیم و زر کا اک شجر اس کے لیے
شاخ علم و آگہی میری طرف
میرے اندر بھی اندھیرا ہے بہت
روشنی اے روشنی میری طرف
سیر گل سیر چمن سب اس کے نام
شہر بھر کی ناخوشی میری طرف
دست مجنوں کے ہرن کالے ہوئے
برف سی گرتی ہوئی میری طرف
اس کے دست ناز میں لاکھوں ہنر
میرا پائے نا رسی میری طرف
میں کہ نامیؔ پاسدار فکر نو
جرم ہائے گفتنی میری طرف
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
