ek qafila hai bin tere ham-rah safar mein

Shah Naseer

ek qafila hai bin tere ham-rah safar mein

Shah Naseer

MORE BYShah Naseer

    ik qāfila hai bin tire ham-rāh safar meñ

    ashk aañkh meñ hai dil meñ hai daaġh aah jigar meñ

    ārām mujhe bin tire ik pal nahīñ ghar meñ

    juuñ mardumak-e-dīda huuñ din raat safar meñ

    phirtā hai vo gul-posh mire dīda-e-tar meñ

    hai sho.ala-e-javvāla tasvīr bhañvar meñ

    sūrāḳh yahāñ sūrat-e-favvāra haiñ sar meñ

    dikhlā.ūñ tamāshā jo mujhe chhoḌ de ghar meñ

    rashk aa.e na kyuuñ mujh ko ki dekh zar-o-sīm

    rakhtā hai qadam palla-e-ḳhurshīd-o-qamar meñ

    maiñ in dur-e-shahvār ke ashkoñ se idhar aa

    taulūñgā biThā kar tujhe hairān nazar meñ

    aa dekh na hañs hañs ke rulā mujh ko sitamgar

    ik nuuh tūfāñ hai mire dīda-e-tar meñ

    aks-e-lab-e-pāñ-ḳhurda se dandāñ haiñ tire surḳh

    ātish-e-yāqūt hai ye āb-e-guhar meñ

    baaz aao shikār-afganī se haath uThāo

    bhāle ko miyāñ kis liye rakhte ho kamar meñ

    rahtī hai baham zulf banā gosh se tere

    kuchh farq nahīñ hai sar-e-mū shām-o-sahar meñ

    hai is meñ raqam hāl-e-siyah-baḳhtī-e-āshiq

    ye naama koī bāñdh do ab zaaġh ke par meñ

    ye bhī koī insāf hai ai ḳhāna-ḳharāb aah

    auroñ ko to le jaa.e hai din diye ghar meñ

    aur ham jo haiñ so dekhne ko bhī tire tarseñ

    dīvār meñ raḳhna hai na sūrāḳh hai dar meñ

    kis vaj.h 'nasīr' us lab-e-shīrīñ pe na ho ḳhaal

    hotā vatan-e-mor to hai tañg shakar meñ

    ek qafila hai bin tere ham-rah safar mein

    ashk aankh mein hai dil mein hai dagh aah jigar mein

    aaram mujhe bin tere ek pal nahin ghar mein

    jun mardumak-e-dida hun din raat safar mein

    phirta hai wo gul-posh mere dida-e-tar mein

    hai shoala-e-jawwala ki taswir bhanwar mein

    suraKH yahan surat-e-fawwara hain sar mein

    dikhlaun tamasha jo mujhe chhoD de ghar mein

    rashk aae na kyun mujh ko ki tu dekh zar-o-sim

    rakhta hai qadam palla-e-KHurshid-o-qamar mein

    main in dur-e-shahwar ke ashkon se idhar aa

    taulunga biTha kar tujhe hairan nazar mein

    aa dekh na hans hans ke rula mujh ko sitamgar

    ek nuh ka tufan hai mere dida-e-tar mein

    aks-e-lab-e-pan-KHurda se dandan hain tere surKH

    ya aatish-e-yaqut hai ye aab-e-guhar mein

    baz aao shikar-afgani se hath uThao

    bhaale ko miyan kis liye rakhte ho kamar mein

    rahti hai baham zulf bana gosh se tere

    kuchh farq nahin hai sar-e-mu sham-o-sahar mein

    hai is mein raqam haal-e-siyah-baKHti-e-ashiq

    ye nama koi bandh do ab zagh ke par mein

    ye bhi koi insaf hai ai KHana-KHarab aah

    auron ko to le jae hai tu din diye ghar mein

    aur hum jo hain so dekhne ko bhi tere tarsen

    diwar mein raKHna hai na suraKH hai dar mein

    kis wajh 'nasir' us lab-e-shirin pe na ho KHal

    hota watan-e-mor to hai tang shakar mein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now