ek saya mera masiha tha
ek saaya mirā masīhā thā
kaun jaane vo kaun thā kyā thā
vo faqat sahn tak hī aatī thī
maiñ bhī hujre se kam nikaltā thā
tujh ko bhūlā nahīñ vo shaḳhs ki jo
terī bāñhoñ meñ bhī akelā thā
jān-levā thiiñ ḳhvāhisheñ varna
vasl se intizār achchhā thā
baat to dil-shikan hai par yaaro
aql sachchī thī ishq jhūTā thā
apne me.aar tak na pahuñchā maiñ
mujh ko ḳhud par baḌā bharosa thā
jism kī sāf-goī ke bā-vasf
ruuh ne kitnā jhuuT bolā thā
ek saya mera masiha tha
kaun jaane wo kaun tha kya tha
wo faqat sahn tak hi aati thi
main bhi hujre se kam nikalta tha
tujh ko bhula nahin wo shaKHs ki jo
teri banhon mein bhi akela tha
jaan-lewa thin KHwahishen warna
wasl se intizar achchha tha
baat to dil-shikan hai par yaro
aql sachchi thi ishq jhuTa tha
apne mear tak na pahuncha main
mujh ko KHud par baDa bharosa tha
jism ki saf-goi ke ba-wasf
ruh ne kitna jhuT bola tha
Source:
Lekin (Pg. E-96 B-97)
- Author: Jaun Eliya
-
- Edition: 2010
- Publisher: Takhleeqkar Publishers, Delhi
- Year of Publication: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
