ek samundar ke hawale sare KHat karta raha
ik samundar ke havāle saare ḳhat kartā rahā
vo hamāre saath apne ġham ġhalat kartā rahā
kyā kisī badlāv se ye zindagī badlī kabhī
kyuuñ na.ī vo roz apnī shaḳhsiyyat kartā rahā
us kī tanhā.ī kā aalam dosto mat pūchhiye
ghar kī har dīvār se vo maslahat kartā rahā
thī ḳhabar ab apne haq meñ kuchh nahīñ baaqī rahā
jaan kar maiñ kāġhazoñ par dastaḳhat kartā rahā
haañ use shā.er zamāna kah rahā hai in dinoñ
jo divāna apne ġham kī tarbiyat kartā rahā
aaj samjhā Thokaroñ ke ba.ad bhī hai zindagī
kyuuñ atā mujh ko 'musāfir' ye sifat kartā rahā
ek samundar ke hawale sare KHat karta raha
wo hamare sath apne gham ghalat karta raha
kya kisi badlaw se ye zindagi badli kabhi
kyun nai wo roz apni shaKHsiyyat karta raha
us ki tanhai ka aalam dosto mat puchhiye
ghar ki har diwar se wo maslahat karta raha
thi KHabar ab apne haq mein kuchh nahin baqi raha
jaan kar main kaghazon par dastaKHat karta raha
han use shaer zamana kah raha hai in dinon
jo diwana apne gham ki tarbiyat karta raha
aaj samjha Thokaron ke baad bhi hai zindagi
kyun ata mujh ko 'musafir' ye sifat karta raha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
