ek talluq tha faqat is ke siwa kuchh bhi nahin

ik ta'alluq thā faqat is ke sivā kuchh bhī nahīñ

chhoḌ ke jab vo gayā maiñ ne kahā kuchh bhī nahīñ

kaam to kuchh aur bhī kar lete ham yāroñ magar

ham ne to is 'ishq se baḌh kar kiyā kuchh bhī nahīñ

phir se lauTā do mujhe gumnāmī kī tanhā.iyāñ

shohratoñ kī bhiiḌ meñ mujh ko milā kuchh bhī nahīñ

vaqt-e-ruḳhsat us kī āñkheñ kuchh to kahtī thiiñ mujhe

shor dil meñ itnā thā maiñ ne sunā kuchh bhī nahīñ

bābū-jī ne barsoñ pahle ghar kā baTvārā kiyā

maañ ke aur un ke sivā maiñ ne liyā kuchh bhī nahīñ

ye mohabbat gar nahīñ to aur kyā hai ham-nashīñ

baa'd muddat ke mile haiñ par gila kuchh bhī nahīñ

saikḌoñ TukḌe tū chāhe kar de is ke jān-e-man

aa.ina to boltā sach ke sivā kuchh bhī nahīñ

ye sahī hai dil mirā toḌā usī ne dosto

bevafā vo hai magar us kī ḳhatā kuchh bhī nahīñ

ek ta'alluq tha faqat is ke siwa kuchh bhi nahin

chhoD ke jab wo gaya main ne kaha kuchh bhi nahin

kaam to kuchh aur bhi kar lete hum yaron magar

hum ne to is 'ishq se baDh kar kiya kuchh bhi nahin

phir se lauTa do mujhe gumnami ki tanhaiyan

shohraton ki bhiD mein mujh ko mila kuchh bhi nahin

waqt-e-ruKHsat us ki aankhen kuchh to kahti thin mujhe

shor dil mein itna tha main ne suna kuchh bhi nahin

babu-ji ne barson pahle ghar ka baTwara kiya

man ke aur un ke siwa main ne liya kuchh bhi nahin

ye mohabbat gar nahin to aur kya hai ham-nashin

ba'd muddat ke mile hain par gila kuchh bhi nahin

saikDon TukDe tu chahe kar de is ke jaan-e-man

aaina to bolta sach ke siwa kuchh bhi nahin

ye sahi hai dil mera toDa usi ne dosto

bewafa wo hai magar us ki KHata kuchh bhi nahin