ek talluq tha jo ruswai se aage na baDha
ik ta'alluq thā jo rusvā.ī se aage na baḌhā
ye tamāsha bhī tamāshā.ī se aage na baḌhā
jis kā dā'vā thā zamāna se bahut aage kā
zikr us kā bhī masīhā.ī se aage na baḌhā
jis kahānī ke havāloñ meñ zamāna thā sharīk
us kā ik lafz bhī tanhā.ī se aage na baḌhā
vo mujhe chhoḌ ke duniyā meñ bhaTak aatā hai
aur mirā pair bhī harjā.ī se aage na baḌhā
aaj bhī dil meñ baġhāvat kā ḳhayāl aayā thā
hausla aaj bhī añgḌā.ī se aage na baḌhā
ek ta'alluq tha jo ruswai se aage na baDha
ye tamasha bhi tamashai se aage na baDha
jis ka da'wa tha zamana se bahut aage ka
zikr us ka bhi masihai se aage na baDha
jis kahani ke hawalon mein zamana tha sharik
us ka ek lafz bhi tanhai se aage na baDha
wo mujhe chhoD ke duniya mein bhaTak aata hai
aur mera pair bhi harjai se aage na baDha
aaj bhi dil mein baghawat ka KHayal aaya tha
hausla aaj bhi angDai se aage na baDha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
