ek tabassum se humne rok liye

ik tabassum se ham ne rok liye

vaar jitne ġham-e-jahāñ ne kiye

kah rahe haiñ havā se rāz-e-chaman

koī ġhunchoñ ke bhī to hoñT siye

kaif kyā chiiz hai ḳhumār hai kyā

ye samajh kar sharāb kaun piye

ḳhatm jab ho ga.iiñ tamannā.eñ

ham na.e hausloñ ke saath jiye

ruḳh havā kā badal gayā shāyad

ghar ke bāhar bhī jal rahe haiñ diye

phuul ḳhud ho ga.e garebāñ-chāk

mausam-e-gul ke chaak kaun siye

apne dil par sajā liye 'shā.ir'

zaḳhm ham ko jo us nazar ne diye

ek tabassum se hum ne rok liye

war jitne gham-e-jahan ne kiye

kah rahe hain hawa se raaz-e-chaman

koi ghunchon ke bhi to honT siye

kaif kya chiz hai KHumar hai kya

ye samajh kar sharab kaun piye

KHatm jab ho gain tamannaen

hum nae hauslon ke sath jiye

ruKH hawa ka badal gaya shayad

ghar ke bahar bhi jal rahe hain diye

phul KHud ho gae gareban-chaak

mausam-e-gul ke chaak kaun siye

apne dil par saja liye 'shair'

zaKHm hum ko jo us nazar ne diye