ek tasawwur-e-be-karan tha aur main

Kabir Ajmal

ek tasawwur-e-be-karan tha aur main

Kabir Ajmal

MORE BYKabir Ajmal

    ik tasavvur-e-be-karāñ thā aur maiñ

    dard sail-e-ravāñ thā aur maiñ

    ġham ik ātish-fishāñ thā aur maiñ

    duur tak gahrā dhuāñ thā aur maiñ

    kis se maiñ un Thikānā pūchhtā

    sāmne ḳhālī makāñ thā aur maiñ

    mere chehre se numāyāñ kaun thā

    ā.inoñ ik jahāñ thā aur maiñ

    ik shikasta naav thī ummīd

    ek bahr-e-be-karāñ thā aur maiñ

    justujū thī manzil-e-mauhūm

    ye zamīñ thī āsmāñ thā aur maiñ

    kaun thā jo dhyān se suntā mujhe

    qissa-e-ashuftagāñ thā aur maiñ

    haath meñ 'ajmal' koī tesha na thā

    azm thā koh-e-girāñ thā aur maiñ

    ek tasawwur-e-be-karan tha aur main

    dard ka sail-e-rawan tha aur main

    gham ka ek aatish-fishan tha aur main

    dur tak gahra dhuan tha aur main

    kis se main un ka Thikana puchhta

    samne KHali makan tha aur main

    mere chehre se numayan kaun tha

    aainon ka ek jahan tha aur main

    ek shikasta naw thi ummid ki

    ek bahr-e-be-karan tha aur main

    justuju thi manzil-e-mauhum ki

    ye zamin thi aasman tha aur main

    kaun tha jo dhyan se sunta mujhe

    qissa-e-ashuftagan tha aur main

    hath mein 'ajmal' koi tesha na tha

    azm tha koh-e-giran tha aur main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now