اک ترا عشق مجھ کو کافی ہے
اک ترا عشق مجھ کو کافی ہے
اور جو کچھ بھی ہے اضافی ہے
تجھ سے دل بے خبر نہیں رہتا
یہ ترے حسن کا صحافی ہے
عشق کو مانتا ہے دل لیکن
عقل کا نوٹ اختلافی ہے
عشق میرا زمانے والوں کی
اصطلاحات کے منافی ہے
میں ہوا مرتکب محبت کا
جرم نا قابل معافی ہے
کھو گیا دل بھی یار بھی نہ ملا
اشک غلطاں زر تلافی ہے
مرض عشق ہی نہیں ورنہ
ابن مریم کا دست شافی ہے
نور ہے دل کی روشنائی کا
یہ جو رنگینیٔ قوافی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
